Njoftim për fillimin e procedurave të konkurrimit “Mësues për Shqipërinë” 2025

Përshëndetje,

Në zbatim të ligjit nr. 69/2012 “Për sistemin arsimor parauniversitar në Republikën e Shqipërisë”, të ndryshuar, të udhëzimit nr. 8, datë 03.05.2024, “Për procedurat e pranimit, të pezullimit dhe të largimit të mësuesit nga një vend pune, si dhe administrimit të portalit “Mësues për Shqipërinë”, të ndryshuar, të udhëzimit nr. 9, datë 03.05.2024 “Për organizimin e testimit të informatizuar të kandidatëve për t’u punësuar në institucionet arsimore publike të arsimit parauniversitar”, të shkresës së MAS nr. 3176 prot., datë 21.05.2025 “Për realizimin e procedurave të konkurrimit të mësuesve në portalin “Mësues për Shqipërinë” 2025”,  njoftojmë shpalljen e procedurave  të konkurrimit “Mësues për Shqipërinë” 2025.

• Regjistrimi i kandidatëve “Mësues për Shqipërinë” 2025, përfshirë parashkollorin bëhet në e-albania në shërbimin “Aplikim për konkurrim për punësim si mësues”.
• Afati për aplikim është nga data 02.06.2025 deri në datën 16.06.2025, ora 24:00 (15 ditë)
• Kandidatët për mësues që kanë dhënë provimin e licensimit në maj 2025, ose janë në proces të provimit të licensimit duhet të regjistrohet në e-albania në shërbimin “Aplikim për konkurrim për punësim si mësues”, nga data 13.06.2025 deri në datën 23.06.2025, ora 24:00.